Жашы жете элек балдардын ата-энесинин макулдугусуз иштөөсүнө жол бербөө боюнча Кара-Балта шаарында профилактикалык иштер жүргүзүлдү.

Кызматтын Түндүк аймагы боюнча аймактар аралык башкармалыгынын инспекторлору тарабынан жашы жете элек балдардын ата-энесинин макулдугусуз иштөөсүнө жол бербөө боюнча Жайыл районунун, Кара-Балта шаарында ишкердик субъектилери (базарлар, кафелер, ресторандар, тез тамактануучу жайлар) менен профилактикалык иштер жүргүзүлдү. Ошондой эле, Кыргыз Республикасынын Балдар кодексине ылайык, эмгек шарты зыяндуу же опурталдуу иштерде, жер астындагы иштерде, түнкү убактарда, ошондой эле аткаруу балдардын ден соолугуна жана адептик өсүшүнө зыян келтирүүсү мүмкүн болгон иштерде (оюн-зоок бизнесинде, көңүл ачуучу мекемелердеги түнкү жумуштарда, спирт ичимдиктерин, тамеки буюмдарын, баңгизаттарды жана уулуу дары-дармектерди ж.у.с. өндүрүүдө, ташып жеткирүүдө жана сатууда) балдардын эмгегин пайдаланууга тыюу салынат.