Тоң районунда өспүрүмдөрдүн эмгек укуктарын коргоо максатында «Өспүрүм–Эмгек» рейди өткөрүлдү.

Эмгек мыйзамдарын контролдоо жана көзөмөлдөө боюнча кызматтын Түндүк региондор аралык башкармалыгы тарабынан Тон районунун Социалдык камсыздоо жана миграция башкармалыгынын адистери менен биргеликте Бөкөнбаев айылында “Өспүрүм–Эмгек” аттуу иш-чара (рейд) өткөрүлдү. Иш-чаранын жүрүшүндө жеке ишкерлерге жаш өспүрүмдөрдүн эмгегин пайдалануу, жумушка кабыл алуу маселелери эмгек мыйзамдарынын талаптарынын негизинде жүргүзүлүүгө тийиш экени милдеттендирилип түшүндүрүлдү. Ошондой эле эмгекти коргоо жана техникалык коопсуздук боюнча түшүндүрүү иштери аткарылды. Жайкы эс алуу мезгилинде жаш өспүрүмдөрдү жумушка кабыл алуунун эмгек мыйзамдарындагы өзгөчөлүктөрү боюнча башкармалыктын билдирүүлөрү таратылып, мыйзам бузууларга жол бербөө тууралуу жеке ишкерлер алдын ала эскертилди.