“Селхозремонт” ААКда пландуу текшерүү жүргүзүлдү.

2025-жылга карата бекитилген текшерүү планынын алкагында, Кызматтын Түштүк региону боюнча региондор аралык башкармалыгы тарабынан 2025-жылдын 16–17-июль күндөрү Баткен облусунун Кадамжай районунун Уч-Коргон айылында жайгашкан “Селхозремонт” Ачык Акционердик Коомунда пландуу текшерүү жүргүзүлдү. Текшерүүнүн жүрүшүндө эмгек мыйзамдары менен эмгекти коргоо талаптарынын сакталышында бир катар мыйзам бузуулар аныкталды. Анын негизинде, бузууларды жоюу боюнча тиешелүү эскертме жазуу түрүндө берилди. Мындан сырткары, эмгекти коргоо талаптарынын бузулушуна байланыштуу, Кыргыз Республикасынын Укук бузуулар жөнүндө кодексине ылайык аталган мекемеге 2 протокол түзүлүп, жалпы 36 000 (отуз алты миң) сом айып пул салынды.