Кыз-Көл айыл өкмөтүндө пландуу текшерүү жүргүзүлүп, 23 миң сом айып пул салынды.

2025-жылдын 14–18-июлунда Кыргыз Республикасынын Эмгек, социалдык камсыздоо жана миграция министрлигине караштуу Эмгек мыйзамдарын контролдоо жана көзөмөлдөө боюнча кызматынын Түштүк региону боюнча региондор аралык башкармалыгынын улук инспектору тарабынан Жалал-Абад облусунун Сузак районуна караштуу Кыз-Көл айыл өкмөтүндө пландуу текшерүү жүргүзүлдү. Текшерүү Кыргыз Республикасынын Башкы прокуратурасы менен макулдашылып, кызматтын 2025-жылга карата жергиликтүү өз алдынча башкаруу органдарын текшерүү боюнча 25.12.2024-жылы бекитилген иш планынын жана башкармалыктын 2025-жылдын 14-июлундагы №90 буйругунун негизинде жүргүзүлдү. Текшерүүнүн жыйынтыгы менен акт түзүлүп, 9 пункттан турган мыйзам бузууларды жоюу тууралуу эскертме берилди. Ошондой эле, укук бузуулар жөнүндө протокол толтурулуп, Кыргыз Республикасынын Укук бузуулар жөнүндө кодексинин 92-беренесинин 1-бөлүгүнүн негизинде 23 миң сом өлчөмүндө айып пул салынды.