Жалал-Абад шаарында “Мугалим жана коом” форуму болуп өттү.

Кызматтын Түштүк региону боюнча региондор аралык башкармалыгынын улук инспекторлору тарабынан 28-апрель — Бүткүл дүйнөлүк эмгекти коргоо күнүнө карата, Кыргыз Республикасынын Билим берүү жана илим кызматкерлеринин кесиптик бирлигинин Борбордук комитетинин 2025-жылдын 12-майындагы №01-7/79 сандуу катынын негизинде, Кыргыз Республикасынын Эмгек, социалдык камсыздоо жана миграция министри Сабиров Равшанбек Азатовичке Жалал-Абад шаарында өтө турган республикалык “Мугалим жана коом” аттуу форумга колдоо көрсөтүп, 2025-жылдын 20-майында катышып берүү өтүнүчү менен кат жолдонгон. Аталган катка ылайык, 2025-жылдын 20-майында Жалал-Абад шаарындагы “Барпы” драма театрында өткөн форумга катышылып, эмгек мыйзамдары жана Кыргыз Республикасынын Эмгек кодекси боюнча маалымат берилди.