Өспүрүмдөрдүн эмгек укуктарын коргоо боюнча семинар өткөрүлдү.

Кыргыз Республикасынын Эмгек, социалдык камсыздоо жана миграция министрлигине караштуу Эмгек мыйзамдарын контролдоо жана көзөмөлдөө кызматынын “Кызматкерлердин айрым категорияларынын эмгегин жөнгө салууну көзөмөлдөөнү өнүктүрүү жана жакшыртуу жөнүндө” №2-ОД 09.01.2025-ж. буйругунун негизинде Ысык-Көл районундагы Чоң-Сары-Ой айыл аймагынын айыл өкмөтүндө райондук ИИБнин жаш өспүрүмдөр менен иштөө инспекторлору, билим берүү тармагынын социалдык педагогдору, айыл өкмөттөрдүн социалдык кызматкерлери, ошондой эле аялдар жана жаштар коомунун өкүлдөрү катышкан семинар өткөрүлдү. Семинарда Кызматтын Түндүк региону боюнча башкармалыгынын башкы инспектору өспүрүмдөр эмгегинин оор түрлөрүн жоюу, Кыргыз Республикасынын Эмгек кодексинде жаш өспүрүмдөрдү жумушка тартууга карата белгиленген өзгөчө талаптар тууралуу кеңири түшүндүрмө берип, катышуучулардын суроолоруна эмгек мыйзамдарынын негизинде жооп берди.