Нарын шаарында өспүрүмдөрдүн эмгегин мыйзамсыз пайдаланууга каршы рейд өткөрүлдү.

Түндүк региону боюнча региондор аралык башкармалыгынын башкы инспектору тарабынан 2025-жылдын 10–12-февраль күндөрү Нарын шаардык ИИБнин №22-т буйругунун негизинде “Өспүрүм-Эмгек” аттуу иш-чараны уюштурду. Иш-чаранын алкагында Нарын райондор аралык Эмгек, социалдык камсыздоо жана миграция башкармалыгынын балдарды коргоо бөлүмүнүн жана Нарын шаардык ички иштер бөлүмүнүн кызматкерлери менен биргеликте жашы жете элек өспүрүмдөрдүн эмгегин мыйзамсыз пайдаланууга жана эмгектин оор формаларына тартылышына бөгөт коюу максатында рейд өткөрүлдү. Рейд учурунда Нарын шаарында жайгашкан түнкү компьютердик оюн клубдары, тамактануучу жайлар, соода-сатык дүкөндөрү, эс алуу бактары жана шаардын көчөлөрү текшерилди. Текшерүү учурунда кызматтын инспектору жаш өспүрүмдөргө, иш берүүчүлөргө жана ата-энелерге эмгек мыйзамдарынын сакталышы тууралуу түшүндүрүү иштерин жүргүздү.