Жашы жете элек балдардын эмгектин оор формаларына тартылышын алдын алуу максатында рейд өткөрүлдү.

Кызматтын Түштүк региону боюнча региондор аралык башкармалыгынын улук инспектору тарабынан 2025-жылдын 5-февраль күнү саат 10:00дөн 16:00гө чейин Жалал-Абад шаардык Эмгек, социалдык камсыздоо жана миграция башкармалыгынын 2025-жылдын 5-февралындагы №63-б сандуу буйругунун негизинде “Эмгек өспүрүм” аталышындагы рейд өткөрүлдү. Бул иш-чара Жалал-Абад шаардык Эмгек, социалдык камсыздоо жана миграция башкармалыгынын Балдарды коргоо бөлүмү жана Жалал-Абад шаардык ички иштер бөлүмүнүн кызматкерлери менен биргеликте жашы жете элек өспүрүмдөрдүн эмгегин мыйзамсыз пайдаланууга жана алардын эмгектин оор формаларына тартылышына бөгөт коюу максатында уюштурулду. Рейддин жүрүшүндө Жалал-Абад шаарынын аймагындагы базарлар, компьютердик оюн клубдары, тамактануучу жайлар, соода-сатык дүкөндөрү, эс алуу бактары жана шаардын көчөлөрү текшерүүгө алынды. Текшерүү учурунда кызматтын инспектору тарабынан жаш өспүрүмдөргө, иш берүүчүлөргө жана ата-энелерге эмгек мыйзамдарынын сакталышы боюнча түшүндүрүү иштери жүргүзүлүп, акт түзүлдү. Бул боюнча Жалал-Абад шаарынын прокуратурасына маалымат берилди.