“Кыргызавтожол – Түндүк” МИ боюнча текшерүүнүн жыйынтыгында эмгек укуктарынын бузулушу аныкталып, Талас жана Нарын филиалдарынан иштен бошотулган кызматкерлерге 1 909 672 сом эмгек акы төлөндү.

Кызматтын Түндүк региондор аралык башкармалыгы тарабынан С.Ж. аттуу жана башка жарандардын коллективдүү арызынын негизинде, “Кыргызавтожол – Түндүк” МИ тарабынан эмгек укуктарынын бузулушу жана айлык акыларын ала албай жаткандыгына байланыштуу текшерүү жүргүзүлдү. Текшерүүнүн натыйжасында, Кыргыз Республикасынын Эмгек кодексинин 94-беренесинин талаптары бузулгандыгы аныкталды. Кызматтын бузууларды четтетүү боюнча эскертмесине ылайык, “Кыргызавтожол – Түндүк” МИ тарабынан, тактап айтканда, ишкананын Талас жана Нарын филиалдарынан иштен бошотулган кызматкерлерге 1 909 672 (бир миллион тогуз жүз тогуз миң алты жүз жетимиш эки) сом эмгек акы төлөнүп берилди.