Баткен облусунун Кадамжай районундагы Совет айылында жайгашкан “Родничок-Кан” балдар бакчасына жана райондук билим берүү бөлүмүнүн жетекчисине 230 эсептик көрсөткүч өлчөмүндө айып пул салынды.

Кыргыз Республикасынын Эмгек, социалдык камсыздоо жана миграция министрлигине караштуу Эмгек мыйзамдарын контролдоо жана көзөмөлдөө боюнча кызматынын, 2024-жылдын 30-декабрдагы №119 буйругуна негизинде. Баткен облусунун Кадамжай районуна караштуу Молдо Нияз айыл аймагынын Совет айылында жайгашкан “Родничок-Кан” балдар бакчасынын от жагуучусу (кочегар) Ю.Э.А. иш мезгилинде өндүрүштөгү бөөдө кырсыкка кабылып, анын кесепетинен өлүмгө дуушар болгонун себептерин атайын териштирүү комиссиясы түзүлүп, атайын териштирүү жүргүзүлүп, жыйынтыгында Кызматтын түшүтук региону боюнча региондор аралык башкармалыгы тарабынан эмгек мыйзамдарындагы талаптар бузулгандыгы аныкталып,аталган балдар бакчанын жетекчилегине жана райондук билим берүү бөлүмүнүн жетекчисине Кыргыз Республикасынын Укук бузуулар жөнүндө кодексинин 87-ст.4п. талаптарына ылайык 230 эсептик көрсөткүчтө айып салынды.